რონალდუ: “ატლეტიკოს” ჩვენი გულშემატკივრების თვალწინ უნდა ვუპასუხოთ”
ტურინის “იუვენტუსის” თავდამსხმელი, კრიშტიანო რონალდუ მადრიდის “ატლეტიკოსთან” გასამართი მატჩისათვის მზადაა. პორტუგალიელი ვარსკვლავი ჩემპიონთა ლიგის მერვედფინალური ეტაპის განმეორებითი შეხვედრის წინ “იუვენტუსის” ტელევიზიას ესაუბრა.
“გვჯერა, რომ კარგ მატჩს ჩავატარებთ. ყველამ იცის, რომ “ატლეტიკო” ძლიერი გუნდია. ისინი თავს კარგად იცავენ, არ რისკავენ და კონტრ-შეტევებზე თამასობენ. თუმცა, ჩვენ მზად ვართ და გამარჯვებისათვის ყველაფერს გავაკეთებთ. ყველაფერს პატარა დეტალები გადაწყვეტს. ფეხბურთი ასეთია – არავინ ელოდა, რომ პირველ მატჩში ჩვენ დავმარცხდებოდით. მეტოქეს ჩვენი გულშემატკივრების თვალწინ უნდა ვუპასუხოთ.
რაც შეეხევა ფანებს, მათ ვეტყვი: გჯეროდეთ, რომ ჩვენ მეოთხედფინალში გასვლა შეგვიძლია, ამისათვის კი თქვენი დახმარება გვჭირდება. ჩვენ მინდორზე ბოლომდე დავიხარჯებით”, – განაცხადა რონალდუმ.
შეგახსენებთ, რომ “იუვენტუსი” “ატლეტიკოს” 12 მარტს ტურინში მიიღებს. “ბიანკონერი” პირველ მატჩში განცდილი მარცხის (0:2) შემდეგ რთული ამოცანის წინაშე დგას.
