ფლორენტინო პერესი: “მსოფლიოს საუკეთესო მწვრთნელი “რეალში” დაბრუნდა”

მადრიდის “რეალის” პრეზიდენტმა, ფლორენტინო პერესმა პრესკონფერენცია გამართა, სადაც საზოგადოებას გუნდის მთავარი მწვრთნელის პოზიციაზე დაბრუნებული ზინედინ ზიდანი წარუდგინა.

პრესკონფერენციაზე პერესმა ზიდანს თბილი სიტყვებით მიმართა:

“თქვენ ამ განსაკუთრებულად რთულ პერიოდში პასუხისმგებლობა აიღეთ. თქვენ ამ კლუბის ემბლემა გიყვართ და სწორედ ამიტომ იმყოფებით ახლა აქ. თქვენ ერთგულება გამოიჩინეთ, როცა ხუთი დღის წინ შინ დაბრუნება შემოგთავაზეთ. გასულ წლებში თქვენთან ერთად ცხრა ტიტული მოვიგეთ. არასოდეს დამავიწყდება ის დღე, როცა თქვენთან პირველი კონტრაქტი გავაფორმეთ. მსოფლიოს საუკეთესო მწვრთნელი “რეალში” დაბრუნდა”, – განაცხადა “რეალის” პრეზიდენტმა.