რიკარდო კაკა: “გატუზოს “მილანის” დნმ აქვს”

“მილანის” ყოფილმა ვარსკვლავმა, რიკარდო კაკამ, გუნდის მთავარ მწვრთნელ ჯენარო გატუზოზე ისაუბრა და აღნიშნა, რომ მას “როსონერის” დნმ გააჩნია.

“ყველამ ძალიან კარგად ვნახეთ, თუ როგორი ხასიათი გამოავლინე გატუზომ რთულ მომენტებში. გატუზოს “მილანის” დნმ აქვს. ბრწყინვალე იქნება, თუ ჯენარო გუნდის ჩემპიონთა ლიგაზე გაყვანას შეძლებს.

დრო ჯერ კიდევ საჭიროა, თუმცა თამამად შეგვიძლია ვისაუბროთ მილანური ფეხბურთის პროგრესზე – “ინტერი” ჩემპიონთა ლიგას დაუბრუნდა და არც “მილანია” შორს ამასთან.

“იუვენტუსამდე” “მილანს” ბევრი უკლია, მაგრამ ლეონარდო და მალდინი თავიანთი საქმის ოსტატები არიან. გუნდი დროდადრო ვითარდება. ასე თუ გაგრძელდება, კლუბი ძველ დიდებას დაიბრუნებს,” – აცხადებს კაკა.