გურამ ქუთათელაძემ UFC-ში პირველი ბრძოლისათვის ჩეჩენი მებრძოლი გამოიწვია (ფოტო)

შერეული ორთაბრძოლების ქართველი მებრძოლი, გურამ ქუთათელაძე UFC-ში იჩხუბებს. როგორც ცნობილი გახდა, 27 წლის სპორტსმენს მსოფლიოს საუკეთესო ორგანიზაციაში დებიუტი შვედეთის დედაქალაქ სტოკჰოლმში ექნება.

ჯერ-ჯერობით უცნობია, ვინ იქნება ქუთათელაძის პირველი მეტოქე UFC-ში, მაგრამ ქართველმა მებრძოლმა გამოცდილი ჩეჩენი მაირბეკ ტაისუმოვი გამოიწვია და მას სოციალური ქსელის საშუალებით მიმართა.

“მაირბეკ, სალამ ალეიქუმ! ჩემმა მენეჯერმა დამირეკა და მითხრა, რომ შენ შვედეთში ჩასატარებელ UFC-ის ღონისძიებაზე მოდიხარ. მე პატივს გცემ. დიდი ხანია კავკასიელის წინააღმდეგ არ მიჩხუბია და ვისურვებდი, შენთან სანახაობრივი ორთაბრძოლა გამემართა. ამ ეტაპზე, შენ წონით კატეგორიაში მე პირველი ნომერი ვარ არამხოლოდ შვედეთში, არამედ მთლიანად სკანდინავიაში. UFC-ის უნდა, რომ საუკეთესო მებრძოლებმა დიდებული შოუ აჩვენონ. ველი შენს პასუხს”, – ვკითხულობთ ქუთათელაძის მიმართვაში.

გურამ ქუთათელაძე ბოლო წლების განმავლობაში შვედეთში ცხოვრობს და ვარჯიშობს. ის ამ ამ ქვეყნის მოქალაქეც გახდა. ქართველი მებრძოლი ოქტაგონზე შვედეთისა და საქართველოს დროშებით გადის. მან MMA-ში ჩატარებული 10 ბრძოლიდან 8 მოიგო, ორჯერ კი დამარცხდა.

რაც შეეხება მაირბეკ ტაისუმოვი, ის UFC-ში 2014 წლიდან ასპარეზობს. MMA-ში გამართული 33 შეხვედრიდან მან 28 მოიგო, 5-ჯერ კი დამარცხდა. 30 წლის ჩეჩენმა ბოლო 6 შეხვედრიდან ექვსივე მოიგო.

View this post on Instagram

@taisumov155 , Salam Aleykum! I got call from my manager who informed me, that you are coming to @ufc Sweden. I respect you. I am the #1 ranked 155 lb prospect in all of Scandanavia. The UFC wants to make a great show with the best fighters. Let’s show my Swedish countrymen a proper battle between two great warriors. I am waiting for you. • Майрбек, Салам Алейкум! Мне позвонил менеджер и сказал, что ты собираешься в Швецию на наш стокгольмский UFC. Уважаю тебя и так как я давно не бился с кавказскими земляками, хотел бы встретить тебя зрелищным боем. На данный момент в твоём весе я первый кандидат не только из Швеции, но и из всей Скандинавии для UFC. Давай покажем достойное противостояние нашему зрителю. Жду ответа. • @ufc @danawhite @seanshelby @mickmaynard2 @majdishammas @neems01 @allstarsgymsweden @moments_mgmt @mmajunkiedotcom @ufceurope @mmafightingdotcom @kimura.se @mmanytt @mmaviking #ufcstockholm #ufcsweden

A post shared by Guram Kutateladze Mma (@guram_dze) on Mar 16, 2019 at 3:33pm PDT