მარკო მატერაციმ მსოფლიოს საუკეთესო მცველი დაასახელა

მილანის “ინტერისა” და იტალიის ნაკრების ყოფილმა ფეხბურთელმა, მარკო მატერაციმ მსოფლიოს საუკეთესო მცველი დაასახელა. ვეტერანმა იტალიელმა მადრიდის “რეალის” კაპიტანი, სერხიო რამოსი გამოარჩია.

“ახლა მსოფლიოში ბევრი ძლიერი მცველია. ვან დეიკი ერთ-ერთი გამორჩეულია, მაგრამ მე მიმაჩნია, რომ მსოფლიოს საუკეთესო მცველი სერხიო რამოსია. მან სამი ჩემპიონთა ლიგა მოიგო და ევროპისა და მსოფლიოს ჩემპიონია.

რამოსი მცველია და კარიერაში ასზე მეტი გოლი გაიტანა, რომელთა ნაწილიც გადამწყვეტი იყო. ის “რეალის” ლიდერია. ბოლო წლებში როგორც მოთამაშე, ტექიკურადაც და ფიზიკურადაც, ძალიან განვითარდა. არ ვიცი, სხვა რა კომპონენტებია საჭირო იმისათვის, რომ საუკეთესოდ დაგასახელონ”, – თქვა მატერაციმ.