ხელბურთი. საქართველოს ჩემპიონატი: ფოთი 5 ქულით დაწინაურდა
სენაკის სპორტის სასახლეში გაიმართა საქართველოს გოგონათა ჩემპიონატის
მორიგი ტური ხელბურთში. მთავარ მატჩში ფოთის ოქროს ვერძმა 17-12 დაამარცხა
შარანდელი ჩემპიონი, აჭარა და დამაჯერებლად ლიდერობს.
ფოთის გუნდი მატჩში თავიდან ბოლომდე ლიდერობდა, გოგონათ ნაკრების წევრმა
ჯგერენაიამ კი 9 გოლი გაიტანა. მეორე მატჩში ფოთელებმა 23-9 დამარცხეს
ბათუმი, 20 თამაშის შემდეგ 37 ქულა დააგროვეს და ხუთით ქულამდე გაზარდეს
სხვაობა აჭარელებთან, რომლებმაც გუშინ მეორე მატჩიც წააგეს –
სამტრედიასთან, 19-20.
დარჩენილია ბოლო, აღმოსავლეთ-დასავლეთის საერთო ტური თბილისში, რომელიც 4-8
მაისს გაიმართება. დასავლეთის გუნდებს 4-4 მატჩი აქვთ დარჩენილი და
ფოთელებს პირველი ადგილის შენარჩუნება არ უნდა გაუჭირდეთ. მეორე ადგილზე
უნდა დარჩეს აჭარა, ბრინჯაოს მედლებითვის კი დაძაბული ბრძოლა იქნება
სამმტრედიას, თბილისის ქარიშხალას და ყვარელს შორის.
სამტრედიამ გუშინ მეორე მატჩიც მოიგო და მესამე ადგილზე გადავიდა.
აჭარასთან გუნდი 20-14 იგებდა, შემდეგ ზედიზედ 5 გოლი გაუშვა, თუმცა,
მოგება შეინარჩუნა (20-19), შემდეგ თამაშში კი ძალიან გაუჭირდა ცხრილის
ქვედა ნახევარში მყოფ წყალტუბოსთან. წყალტუბოელები 8-2 ლიდერობდნენ და
მხოლოდ ბოლო წუთზე დათმეს თამაში, 12-13. სამტრედიელთგან ორ თამაშში 18
გოლი გაიტანა გოგონათ ნაკრები წევრმა ბურკაძემ.
ორშაბათს თბილისში, სპორტკომპლექს არენაში იწყება ქალთა უმაღლესი ლიგის
ჯვარედინი ტური აღმოსავლეთისა და დასავლეთის გუნდებს შორის, რომლის
შემდეგაც ფინალური ოთხეული გამოვლინდება, ხოლო 13-16 აპრილს აქვე დარულდება
საქართველოს ჩემპიონატი უმცროსი ასაკის, 15-წლადელ გოგონებს შორის.
ხელბურთი. საქართველოს ჩემპიონატი 2018-19, გოგონები, 17 წლამდე
მესამე წრე, დასავლეთი. 6 აპრილი, სენაკი
ფოთი – აჭარა 17-12
ბათუმი – წყალტუბო 12-14
აჭარა – სამტრედია 19-20
ბსბ ბათუმი – ფოთი 9-23
წყალტუბო – სამტრედია 12-13
მსაჯები: ზ. აბრამიშვილი – ს. სტურუა, თ. ბჟალავა – გ. გველესიანი
—————-თ—მ—ფ—წ——-ბ——ქ
ფოთი———20–18—1—1–368-244–37
აჭარა———-20–16—0—4–423-293–32
სამტრედია—20–12—2—6–346-300–26
ქარიშხალა—19–12—1—6–460-380–25
ყვარელი——19–10—2—7–359-315–22
პეგასი———19—8—2—9–344-329–18
ბათუმი——-20—3—1–16–235-353—7
წყალტუბო—20—3—1–16–242-398—7
მამული——-19—1—0–18–291-456—2
მესამე წრის საერთო ტური. 4-8 მაისი, თბილისი
