პირველის წრის საკვანძო მატჩამდე ერთი ტურით ადრე ლიდერები დანაკარგის გარეშე ასპარეზობენ

• ქალთა ლიგის მე-7 ტურის ცენტრალური შეხვედრა ქუთაისში გაიმართა
• ნინო სუთიძის 7 გოლი ერთ შეხვედრაში
• „ლანჩხუთი“ და „ნიკე“ კვლად დანაკარგის გარეშე ასპარეზობენ

25 და 26 მაისს, საქართველოს ქალთა ლიგის პირველი წრის მე-7 ტურის მატჩები გაიმართა. ტურის ცენტრალური შეხვედრა ქუთაისში, საფეხბურთო კლუბის „ტორპედოს“ ბაზაზე ჩატარდა.

ქუთაისში, ადგილობრივმა „მართვემ“, გათამაშების ერთ-ერთ ლიდერს „ლანჩხუთს“ უმასპინძლა და 1-4 დამარცხდა. ანგარში, მე-18 წუთზე „ლანჩხუთის“ ფეხბურთელმა თეონა თოდაძემ გახსნა და სტუმართა გუნდი დააწინაურა 0-1. კიდევ 8 წუთში, ქუთაისელებმა, უკვე ავტოგოლის წყალობით, ლანჩხუთელთა უპირატესობა ორამდე გაზარდეს, 0-2 და შეიძლება ითქვას, თამაშის სადავეებიც ხელიდან გაუშვეს. გურულების გოლეადორმა, ირინა ხაბურზანიამ 32-ე წუთზე, ანგარიში სამამდე გაზარდა. 0-3, ამ ანგარიშით გავიდნენ გუნდები შესვენებაზე. მეორე ტაიმში „მართვემ“ და „ლანჩხუთმა“, მხოლოდ გოლების გაცვლა მოახერხეს. ქუთაისელთაგან თავი ლანა გორგაძემ გამოიჩინა და ამ შეხვედრაში პრესტიჟის გოლი გაიტანა. თუმცა, მანამდე ნათელა წოწერიას გოლის წყალობით, „ლანჩხუთი“ 4-ბურთიანი უპირატესობით იგებდა.

თბილისის „ნიკეს“, ჩხოროწყუში, არ გასჭირვებია კაცნაკლული „სამეგრელოს“ დამარცხება. მოქმედმა ჩემპიონმა პირველი ტაიმი 0-8 მიოგო, შეხვედრა კი, დიდი ანგარიშით 0-14. ამ მატჩში, გოლები 4 ფეხბურთელმა გაიტანა, დუბლი შეასრულეს მაიკო ბებიამ და ანასტასია ბოლქვაძემ, ჰეთ-თრიქის ავტორი გახდა ნინო პასიკაშვილი, რომელიც ამ ტურამდე ბომბარდირთა სიას ლიდერობდა. თუმცა, მე-7 ტურის შემდეგ, მას თანაგუნდელმა ნინო სუთიძემ გადაუსწრო. სუთიძის ანგარიშზე „სამეგრელოსთან“ მატჩში 7 გოლია. მე-7 ტურის შემდეგ კი, სუთიძეს 15 გოლი აქვს გატანილი.

5 გოლი გავიდა ბათუმში, „ანგისას ბაზაზე“, ბათუმის „დინამოსა“ და „ზარზმას“ შეხვედრაში. „დინამომ“ მშრალი ანგარიშით 5-0 მოიგო და მიმდინარე გათამაშებაში პირველი 3 ქულა აიღო. მიუხედავად ამისა, შავიზღვისპირა ქალაქის გუნდი, სატურნირო ცხრილში უჩვეულოდ, ბოლოდან მეორე ადგილზეა.

ერთნაირი ანგარიშით 2-1 დასრულდა ტურის ორი შეხვედრა – ხობში, სადაც „კოლხეთმა“ ხაშურის „ივერია“ დაამარცხა და თბილისში, „შატილის“ სტადიონზე, სადაც „ნორჩმა დინამომ“ „გორი იუნაიტედს“ სძლია და სატურნირო ცხრილში, მე-5 საფეხურზე ამოინაცვლა.

ქალთა ლიგის გათამაშების მომდევნო ტური 31 მაისს გაიმართება. ტურისა და პირველი წრის ცენტრალური მატჩი, თბილისში, სფფ-ს ტექნიკურ ცენტრ „ბასაზე“ ჩატარდება და ერთმანეთს მიმდინარე გათამაშების ორი ლიდერი გუნდი „ნიკე“ და „ლანჩხუთი“ დაუპირისპირდებიან.

ქალთა ლიგა, I წრე მე-7 ტური

ქსკ  მართვე –  ქსკ ლანჩხუთი 1-4 (0-3)

ქუთაისი, „ტორპედოს“ ბაზა, 16:00

ქსკ მართვე: ვარდო ცაგურია, თეონა სტურუა, ანა ჯანელიძე, მარიამ შონია, მარიამ ჟორჟოლიანი, ქეთევან ცაავა (64’), ლიზი კანდელაკიშვილი (53’), მარიამ ხარგელია (61’),  ლანა გორგაძე, ანა სინატაშვილი, თამთა შენგელია

შეცვლა: 53’ თამარ დანგაძე,  61’ ეკატერინე ჩირგაძე,  64’ თამთა ცაგურია

მთავარი მწვრთელი: პაატა დოგრაშვილი

ქსკ ლანჩხუთი:  თათია გაბუნია, ნინო გუჯაბიძე, ია ალელიშვილი, ირინა ხაბურზანია, თამუნა თავდიშვილი (61’), თამრიკო სალუქვაძე, მარიამ დანელია, სალომე გასვიანი, ნათელა წოწერია (70’), მარიამ კალანდაძე, თეონა თოდაძე

შეცვლა: 61’ მარიამ რომანჩუკი, 70’ მარიამ გოგეშვილი

მთავარი მწვრთელი: რევაზ კუკულაზე

გოლები: 18’ თეონა თოდაძე,  26’ მარიამ ჟორჟოლიანი (ავტოგოლი), 32’ ირინა ხაბურზანია, 65’ ნათელა წოწერია, 72’ ლანა გორგაძე

მსაჯები: ალიკა მესხი (ზუგდიდი), კახა ვასაძე, ნიკოლოზ კუცია (ორივე ბათუმი)

ქსკ სამეგრელო –  ქსკ ნიკე 0-14 (0-8)

ჩხოროწყუ, ბ. პაპასკირის სახელობის სტადიონი, 16:00

ქსკ სამეგრელო:  ქეთი ქოქოლაძე, თამარ მოდებაძე, სალომე ლაგვილავა, სოფო კვარაცხელია, გვანცა პაპასკირი, ნინო ჩანგელია, თამარ ახალაია, მარინე კახიძე, ლიკა მარკოიძე

მთავარი მწვრთელი: ბადრი თოდუა

ქსკ ნიკე: მარიამ კომლაძე, გვანცა ქადაგიშვილი, ნინო პასიკაშვილი, ანა ჯოჯუა, ანი აკობიძე (46’), ნათია დანელია, ლალო ბაბაიანი (46’), ნინო სუთიძე, მაიკო ბებია, ანასტასია ბოლქვაძე (46’), მეგი ეჯიბია

შეცვლა: 46’ – მაია ნასყიდაშვილი, ამალია ხანდაზიანი, ზეინაბ ქარუნი

მთავარი მწვრთელი: გივი კვარაცხელია

გოლები: 12’ / 27’ მაიკო ბებია, 31’ / 39’ ანასტასია ბოლქვაძე, 34’/35’/36’/ 61’/71’/ 72’/ 85’ ნინო სუთიძე, 37’/ 51’/86’ ნინო პასიკაშვილი

მსაჯები: ბექა კუნჭულია, გიორგი ბაბუნაშვილი, მირიან ლაშქარაშვილი (ყველა ქუთაისი)

ქსკ კოლხეთი – ქსკ ივერია 2-1 (1-1)

ხობი, პ. თათარაშვილის სახელობის სტადიონი, 16:00

ქსკ კოლხეთი: ანი ლომსაძე, თამთა კემულარია, თამარ სვანიძე, მარიამ ვაშაკიძე, მარი ჯანჯარია, სალომე თოდუა, ნატა კვირკვაია (63’), თათია ჟიშქარიანი, ანა წულაია, მარიამ გოროზია, მანანა ვაშაკიძე

შეცვლა: 63’ ლანა ჯიქია

მთავარი მწვრთელი: ზურაბ ლატარია

ქსკ ივერია: ნინო კურტანიძე, ნინო ავეტისოვი (46’), მარიამ მეტრეველი, მარიამ დოიჯაშვილი, ელენე ენჯიბაძე, ნინო ხარაზიშვილი, ნატო მაზიაშვილი, ლალი გორგაძე, ნინო ბუხსიკიძე, ირმა ლომიძე, მარიამ გელაშვილი.

შეცვლა: 46’ სალომე გამყრელიძე

მთავარი მწვრთელი: თემურ კობერიძე

გოლები: 21’ ნინო ბუხსიკიძე, 29’ / 84’ სალომე თოდუა,

მსაჯები: ბექა ქევანიშვილი, გოჩა რუსიშვილი (ორივე ქუთაისი), სოფიკო რიჟამაძე (ბათუმი)

ქსკ დინამო ბათუმი – ქსკ ზარზმა 5-0  (1-0)

ბათუმი, „ანგისას ბაზა“, 16:00

ქსკ დინამო  ბათუმი: ვერონიკა გაროჟანკინა, ლინდა ანთაძე, თამრიკო ყურაშვილი, დარინა ანთაძე, ანა ჯიბლაძე, ანათია თავართქილაძე (58’), ლიზი დიასამიძე (71’), მარიამ ართმელიძე, ლიკა აბაშიძე, თათია შაინიძე (71’), გვანცა დოლიძე

შეცვლა: 58’ დარინა სელიმბა, 71’ –  ხატია აბაშიძე, ნანა ძნელაძე,

მთავარი მწვრთელი: ბაჩანა აბაშიძე

ქსკ ზარზმა: ეკა თაბაგარი, თინათინ ბლუაშვილი (46’), ნათია კურტანიძე, მარიამ ტყემალაძე, ბილა ზაზაძე, ანი კვახაჯელიძე, ქეთევან ხარაიშვილი (80’),ნილა ბლუაშვილი (85’), მარიამ ოთანაძე, ლიკა ხუნაშვილი, ანა ბებნაძე (46’)

შეცვლები: 46’ – სოფიკო დევნოსაძე,  ლალი ბურჯანაძე (64’), 64’ როზა ოთანაძე, 80’ ნინო აბულაძე,  85’ ქეთევან ასპანიძე

მთავარი მწვრთელი: ოთარ მაისურაძე

გოლები: 22’/51’ გვანცა დოლიძე,  60’ ნათია კურტანიძე (ავტოგოლი), 77’ დარინა სელიმბა, 88’ ანა ჯიბლაძე,

მსაჯები: ირაკლი შენგელია, ბეჟან ჩიგოგიძე, რამაზ ახობაძე (ყველა სამტრედია)

ქსკ ნორჩი დინამო –  ქსკ გორი იუნაიტედი 2-1 (1-1)

თბილისი, „შატილის“ სტადიონი, 16:00

ქსკ ნორჩი დინამო: მარიამ როსტიაშვილი (46’), სალომე ანთაძე, ელენე რაუხი, ნინო გურიელიძე, სოფიო ოსიაშვილი (46’),  ელენე კახნიაშვილი, მარი ბეგიაშვილი (46’), ნინო ჭუჭულაშვილი (88’), მარინა გასუმოვა (25’), ნადეჟდა ნაკვეთაური, მარიამ მოდრეკილაძე (46’)

შეცვლა: 25’ ეკატერინე ხარაიშვილი 46, – ანა ვაშაყმაძე, ანი ძაძუა, ფლორენს ოკპარა, ანა მოზაიძე, 88’ ნინო ჯგუშია

მთავარი მწვრთელი: ლავრენტი დავითაშვილი

ქსკ გორი იუნაიტედი: მარი მელაძე, თამარ ახობაძე, სალომე ხუბულური, მარიამ კილასონიძე, ეთერ სულაშვილი, ნინო ფერაძე, ნატო კევლიშვილი, ანი ჩოხელი, თამარ ბუდედაშვილი, თაკო კუპრავა, თეონა ნებიერიძე

მთავარი მწვრთელი: ოიებადე ილუმოივა ოკეოვო

გოლები: 4’ სოფიო ოსიაშვილი (ავტოგოლი), 28’ ნადეჟდა ნაკვეთაური, 62’ ეკატერინე ხარაიშვილი

მსაჯები: ხათუნა მაისურაძე (გუდაუთა), მზევინარ შარაშანიძე (ოზურგეთი), რუსუდან კეკიშვული (თბილისი)