რონალდუ: “ბოლომდე დავიხარჯებით, რათა ჩემპიონები ერთად გავხდეთ”

პორტუგალიის ნაკრების კაპიტანმა კრიშტიანო რონალდუმ ერთა ლიგის ფინალზე ისაუბრა.

როგორც იცით, დღეს ქალაქ პორტუში, ერთა ლიგის ფინალურ მატჩში, პორტუგალიის ნაკრები ჰოლანდიას დაუპირისპირდება. გამარჯვებული გუნდი ევროპის 2020 წლის ჩემპიონატის საგზურს მიიღებს.

“ჰოლანდიას შესანიშნავი გუნდი ჰყავს. ისინი ძალიან კარგად თამაშობენ. ჰოლანდიელთა ბოლო მატჩებს ვუყურე, ამ გუნდში ბრწყივნალე ფეხბურთელები – ახალგაზრდები და გამოცდილები თამაშობენ, რაც მათ კიდევ უფრო ძლიერს ხდით.

ვიცით, რომ რთული მეტოქე გვყავს. დადებითად ვართ განწყობილები, რადგან საკუთარ მოედანზე ვთამაშობთ. იმედი მაქვს, სტადიონზე კარგი ატმოსფერო იქნება, ფანების ენერგია კი ჩვენც გადმოგვედება. ყველანი ბოლომდე დავიხარჯებით, რათა ჩემპიონები ერთად გავხდეთ”, – უთხრა რონალდუმ უეფას ოფიციალურ ვებ-გვერდს.

შეგახსენებთ, რომ შეხვედრა 22:45 საათზე დაიწყება.