კლეი ტომფსონი ფაჩულიას: “ცალი ფეხითაც შენზე მაღლა ვხტები”

ქართველმა კალათბურთელმა ზაზა ფაჩულიამ ყოფილ თანაგუნდელ კლეი ტომფსონს მალე გამოჯანმრთელება უსურვა. 35 წლის ცენტრმა სოციალურ ქსელში პოსტი გამოაქვეყნა და “გოლდენ სტეიტის” მოთამაშეს ჩატენვების კონკურსში ხელახლა დაპირისპირება შესთავაზა.

“მას უკვე ვესაუბრე, მაგრამ დამეხმარეთ, რომ ჩემ ძმას მალე გამოჯანმრთელება ვუსურვო. მალე გამოკეთდი, კლეი. ჩატენვების კონკურსში რემატჩი მსურს”, – წერს ფაჩულია Instagram-ში.

ზაზას პოსტს მალევე გამოეხმაურა თავად ტომფსონი: “მადლობა, ჩემო ბიჭო. მე ცალი ფეხითაც კი შენზე მაღლა ვხტები.”

შეგახსენებთ, რომ ტომფსონმა ტრავმა NBA-ს ფინალური სერიის ბოლო მატჩში, “ტორონტოს” წინააღმდეგ გამართულ შეხვედრაში მიიღო.

View this post on Instagram

I already talk to him but help me to wish my brother speedy recovery. Get well soon @klaythompson. I want rematch in dunk contest

A post shared by Zaza Pachulia (@zazapachulia) on Jun 17, 2019 at 1:35pm PDT