ლა ლიგის პრეზიდენტი: “მირჩევნია, ნეიმარი არ დაბრუნდეს”

ლა ლიგის პრეზიდენტი, ხავიერ ტებასი, ნეიმარის “ბარსელონაში” შესაძლო დაბრუნებას გამოეხმაურა. ტებასმა აღიარა, რომ მისთვის უკეთესი იქნება, თუ ბრაზილიელი სუპერვარსკვლავი ლა ლიგაში არ დაბრუნდება.

“მირჩევნია, რომ ნეიმარი “ბარსელონაში” არ დაბრუნდეს. ჩვენ ყოველთვის გვინდა, რომ საუკეთესო ფეხბურთელები გადმოვიდნენ, მაგრამ ნეიმარი სხვა საქმეა. საქმე ის არის, რომ ეს ცუდი მაგალითი იქნება ყველასთვის.

ჩვენ მუდმივად ვცდილობთ, რომ ლა ლიგაში მნიშვნელოვანი ღირებულებები შევინარჩუნოთ და არ გვინდა, რომ რამემ საერთო სურათი რადიკალურად შეცვალოს.

თუ ფეხბურთელი მოედნის გარეთ ცუდად იქცევა, ეს აუცილებლად ახდენს გავლენას ტურნირის იმიჯზე. მირჩევნია, რომ ის არ დაბრუნდეს, რადგანაც ეს ცუდი მაგალითი იქნება,” – აცხადებს ტებასი.