ეროვნული ლიგა – “ტორპედოს” ახალგაზრდები “ლოკოს” ვერ გაუმკლავდა

ეროვნული ლიგის 21-ე ტურის პირველ შეხვედრაში ქუთაისის “ტორპედომ” თბილისის “ლოკომოტივს” უმასპინძლა და 0-2 წააგო. “ტორპედო” ფინანსური კრიზისის გამო 10-მა ფეხბურთელმა დატოვა და ჩხეტიანმა 2 ახალწვეული (მოსიაშვილი, იონანიძე) და გუნდის აკადემიის აღსაზრდელები ათამაშა.

პირველ ტაიმში თანაბარი თამაში იყო და “ტორპედო” რიგ მომენტებში სჯობდა კიდეც მეტოქეს. ბუდუ ზივზივაძემ ერთ-ერთი გასროლისას ძელს 2-ჯერ გაარტყა და ბულისკერია გოლის გაშვებას გადაურჩა.

მე-2 ნახევარში “ტორპედოს” მცველებმა შეცდომებს მოუხშირეს და 71-ე წუთზე გვალიამ ქვილითაიას აუღებელი დაურტყა. 15 წუთში მეკარე ქვილითაიამაც კარის წინ დაუგორა სიხარულიძეს და ირაკლიმაც საბოლოო ანგარიში – 0-2 დააფიქსირა.

“ლოკოს” 32 ქულა დაუგროვდა და 2 ქულამდე შეამცირა სხვაობა “ტორპედოსთან”.

ტორპედო 0-2 ლოკომოტივი

გოლები: გვალია 71, სიხარულიძე 86

ტორპედო: ქვილითაია – ტაბატაძე, ჭიჭინაძე, ხურცილავა, ნებიერიძე – ცინცაძე, მოსიაშვილი, იონანიძე (მუკბანიანი 71), შარვაშიძე (ფირანიშვილი 77)- კაპანაძე, ზივზივაძე (აბულაძე 77)

მთავარი მწვრთნელი: კახა ჩხეტიანი

ლოკომოტივი: ბულისკერია – უბილავა, გურეშიძე, ჭანტურია, კომახიძე – ძებნიაური, შონია – ჯიქია (შეყილაძე 45), გვალია (ანდრონიკაშვილი 79), გოროზია (ჯაფარიძე 79) – სიხარულიძე

მთავარი მწვრთნელი: ლევან კორღალიძე