რივალდო: “ვინისიუსი ძალიან ადვილად შეძლებს აზართან შემტევი დუეტის შექმნას”

ბრაზილიური ფეხბურთის ლეგენდა, რივალდო, მიიჩნევს, რომ მაღალანაზღაურებადი სუპერვარსკვლავები სულაც არ შეუშლიან ხელს მადრიდის “რეალის” 18 წლის დაუმუშავებელი ალმასის, ვინისიუს ჟუნიორის, წინსვლას.

“ამჟამად, “რეალი” ცდილობს საუკეთესო გზით გადაანაწილოს ფეხბურთელები. მჯერა, რომ ვინისიუსი ძალიან ადვილად შეძლებს აზართან ერთად თამაშს. შესაძლოა, მათ დიდებული შემტევი დუეტიც შექმნან.

ვინისიუსმა მხოლოდ საკუთარ სამუშაოზე უნდა იფიქროს და შეძლოს ზიდანის დარწმუნება იმაში, რომ ძირითადში თამაში შეუძლია. აზარის გვერდით თამაში კი მას დიდ ფეხბურთელად აქცევს.

გუნდში ბევრი ცვლილება მოხდა და თითოეული წევრს დასჭირდება ამასთან ადაპტირება. თუმცა გადამწყვეტი მაინც ზიდანის ფაქტორი უნდა იყოს. ვფიქრობ, წელს “რეალი” გაცილებით უფრო ძლიერი იქნება,” – აცხადებს რივალდო.