სებასტიან გომესი: “მნიშნელოვანია, პირველ მატჩში ისეთი შედეგი დაფიქსირდეს, რომ მომდევნო შეხვედრას აზრი ჰქონდეს”
ანდორული “ენგორდანის” თავდამსხმელმა, სებასტია გომესმა უეფას ევროპის ლიგის პირველ საკვალიფიკაციო ეტაპზე თბილისის “დინამოსთან” გასამართი პირველი მატჩის წინ კომენტარი გააკეთა.
“როგორც უკვე აღვნიშნეთ, ჩვენი მთავარი მიზანი ის არის, რომ ასეთი პრესტიჟული გუნდის წინააღმდეგ ვითამაშოთ. ვიცით, რომ ბევრი მინუსი გვაქვს, მაგრამ ჩვენი მთავარი მიზანი “დინამოსთვის” მეტი სირთულის შექმნა იქნება. გვინდა, განმეორებითი მატჩისათვის მეტოქეს საქმე უფრო გავურთულოთ.
როგორც ყველა სხვა გუნდი, ჩვენც ყოველთვის ვცდილობთ და შევეცდებით, რომ სახლში თამაშის უპირატესობით ვისარგებლოთ. ჩვენი სტადიონი თქვენსაზე უფრო პატარაა, მაგრამ გულშემატკივრები გვყავს და იმედი გვაქვს, რომ ისინი საპასუხო მატჩში მხარს დაგვიჭერენ. მნიშვნელოვანია, რომ პირველ შეხვედრაში ისეთი შედეგი დაფიქსირდეს, რომ მომდევნო მატჩს აზრი ჰქონდეს”, – განაცხადა გომესმა.
შეგახსენებთ, რომ “დინამო” – “ენგორდანის” დაპირისპირება 11 ივლისს, “დინამო არენაზე”, 21:00 საათზე დაიწყება.
