ჟოზე მოურინიომ იურგენ კლოპის კომენტარს უპასუხა

“ლივერპულის” მთავარმა მწვრთნელმა, იურგენ კლოპმა “მანჩესტერ იუნაიტედთან” ფრედ (1:1) დასრულებული მატჩის დასრულების შემდეგ მეტოქე გუნდი მუდმივად დაცვაში თამაშის გამო გააკრიტიკა.

გერმანელმა სპეციალისტმა Sky Sports-თან ინტერვიუში ასეთი რამ თქვა: “რაც მე ინგლისში ვმუშაობ, “მანჩესტერ იუნაიტედი” სულ ასე თამაშობს. ჩვენ მუდმივად კედლის წინააღმდეგ თამაში გვიწევს.”

კლოპის სიტყვებს Sky Sports-ის სტუდიაში მჯდომი მოურინიო გამოეხმაურა და მან ის მიზეზი დაასახელა, რის გამოც “ლივერპულის” თავკაცი უკმაყოფილოა.

“ის ამას იმიტომ ამბობს, რომ “მანჩესტერ იუნაიტედი” “ოლდ ტრაფორდზე” არასოდეს დაუმარცხებია. მას მენიუ არ მოსწონს, კლოპს ხორცი სურს, სანაცვლოდ კი თევზს იღებს. დღეს “იუნაიტედი” შეზღუდული რესურსით თამაშობდა, დაცვაში ხუთი მოთამაშით იყვნენ და ისინი სოლიდურად გამოიყურებოდნენ”, – თქვა პორტუგალიელმა.