ევრამ განმარტა, თუ რატომ ამჯობინებს რონალდუს ლიონელ მესის
“მანჩესტერ იუნაიტედის” ყოფილმა მარცხენა მცველმა, პატრის ევრამ კრიშტიანო რონალდუზე ისაუბრა და ის მიზეზები დაასახელა, რის გამოც ის მსოფლიოში საუკეთესოდ მიაჩნია.
“როცა რონალდუმ ოქროს ბურთი მოიგო, ის თანაგუნდელებს გაგვესაუბრა და გვითხრა, რომ კიდევ ხუთს მოიგებდა. კრიშტიანო ყველაზე პროფესიონალი ფეხბურთელია, ვისთან ერთადაც მითამაშია. თუ ვარჯიში 10 საათზე იწყებოდა, ის ბაზაზე 8 საათზე მიდიოდა. ვარჯიშის შემდეგ მოედანზე რჩებოდა და სხვადასხვა უნარების განვითარებაზე მუშაობდა. ამიტომაც ვირჩევ რონალდუს, როცა მასსა და მესის შორის არჩევანის გაკეთება მიწევს. ხალხი ამბობს, რომ კრიშტიანო ჩემი მეგობარია და მას ამიტომ ვამჯობინებ, მაგრამ ასე არ არის.
მე ვფიქრობ, მესი საჩუქარია. ღმერთმა მას უთხრა: “წადი და ითამაშე”. თუმცა, რონალდუ ძალიან ბევრს შრომობს, ნამდვილი მანქანაა. კრიშტიანოს არაფრის წაგება არ უყვარს. მას ყველაფერში საუკეთესოდ ყოფნა სურს”, – თქვა ევრამ Sky Sports-ის ეთერში.
