კარაგერი: “მანჩესტერ იუნაიტედი” ექვსეულს მიღმა დარჩენის მთავარი კანდიდატია”

“ლივერპულის” ყოფილმა მცველმა, ჯეიმი კარაგერმა, საკუთარი მოსაზრება დააფიქსირა “მანჩესტერ იუნაიტედის” პერსპექტივის თაობაზე. შეგახსენებთ, რომ ოლე გუნარ სულშერის გუნდს ცხრა ტურის შემდეგ ორი ქულა აშორებდა გასავარდნ ზონამდე.

“ვფიქრობ, რომ “მანჩესტერ იუნაიტედი” ოთხეულში ვერ შევა. ჩემი გადმოსახედიდან ეს კლუბი ერთ-ერთი მთავარი კანდიდატია ექვსეულის მიღმა დარჩენის, რაშიც დიდი წვლილი “ლესტერის” კარგ ფორმას მიუძღვის.

“ნორვიჩთან” და “ბორნმუთთან” გასამართი მატჩები “იუნაიტედისთვის” უმნიშვნელოვანეს ტესტს წარმოადგენს. მათ აქ უნდა დაამტკიცონ, არიან თუ არა საკმარისად ძლიერები.

ამ გუნდის ერთ-ერთი მთავარი პრობლემა ისაა, რომ მატჩში ერთზე მეტი გოლის გატანას ვერ ახერხებენ,” – აცხადებს კარაგერი.