ერნესტო ვალვერდეს პირველი კომენტარი “სლავიასთან” მატჩის შემდეგ

კატალონიის “ბარსელონას” მთავარმა მწვრთნელმა, ერნესტო ვალვერდემ, პრაღის “სლავიასთან” ფრედ დასრულებული მატჩის შემდეგ ჟურნალისტებთან ისაუბრა.

“თქვენ ყოველთვის გიყვართ გამარჯვება. დღეს ჩვენ ყველაფერი ისე ვერ გავაკეთეთ, როგორც დაგეგმილი გვქონდა. “სლავიას” ერთი მომენტიც არ შეუქმნია ჩვენი კარის მიმართულებით, თუმცა თავს კარგად იცავდნენ.

“სლავიას” დაცვის ხაზი საკმაოდ მაღლა იყო აწეული. ექვსი ფეხბურთელი ერთ ხაზზე იყო განლაგებული, როგორც წინა შეხვედრაში და ეს ბურთის გათამაშებაში ხელს ძალიან გვიშლიდა. ფეხბურთელებს გარკვეული მითითებები მივეცი, მაგრამ ამან შედეგი ვერ გამოიღო.

რამდენიმე დღის წინ “ლევანტესთან” დავმარცხდით. შესაბამისად ჩვენზე დიდი ზეწოლაა, რაც გულშემატკივართა მხრიდან სტვენაშიც გამოიხატება. კარგია, როდესაც ფანები ჩვენგან ყოველთვის მეტს ითხოვენ,” – აცხადებს ვალვერდე.