კიელინი: “სამწუხაროდ, “მილანის” ფანი ვიყავი, თუმცა შემდეგ დავჭკვიანდი”

ტურინის “იუვენტუსის” ლეგენდამ პრესასთან საუბრისას აღიარა, რომ ადრეულ წლებში “მილანისა” და პაულო მალდინის ფანი იყო. შეგახსენებთ, რომ კიელინი 2005 წლიდან იცავს “ბიანკონერის” ღირსებას.

“სამწუხაროდ, “მილანის” ფანი ვიყავი, თუმცა შემდეგ დავჭკვიანდი. მალდინი ჩემი საყვარელი ფეხბურთელი იყო. ჩემი ტყუპისცალი “იუვენტუსს” გულშემატკივრობდა და იძულებული ვიყავი, საპირისპირო ამერჩია.

წარმოგიდგენიათ, რამდენად ბედნიერი იყო ჩემი ძმა, როდესაც “იუვენტუსმა” 20 წლის ასაკში მიყიდა? ტურინში გადაბარგებამ აქაურობა ძალიან შემაყვარა. ახლა ძალიან გაგიჭირდებათ ჩემზე დიდი “იუვეს” ფანის პოვნა დედამიწაზე.

როგორც მცველი, მე დიდ სიამოვნებას ვიღებ, როდესაც მოწინააღმდგეს ვაჩერებ. ზუსტად იმას ვგრძნობ ამ დროს, რასაც თავდამსხმელი გოლის გატანისას,” – აცხადებს კიელინი.