მოურინიომ “ტოტენჰემის” პირველი სატრანსფერო მიზანი დაასახელა

“ტოტენჰემ ჰოთსპურის” ახალდანიშნულმა მთავარმა მწვრთნელმა ჟოზე მოურინიომ ლონდონური გუნდის პირველი სატრანსფერო მიზანი დაასახელა. პორტუგალიელ სპეციალისტს “დეზების” რიგებში გარეტ ბეილის დაბრუნება სურს.

შეგახსენებთ, რომ უელსელი ფეხბურთელი “ტოტენჰემის” ღირსებას 2007-დან 2013 წლამდე იცავდა, რის შემდეგაც ის მადრიდის “რეალმა” იმ დროისთვის რეკორდულ თანხად, 100 მილიონ ევროდ შეიძინა.

გარეტ ბეილმა მიმდინარე სეზონში შვიდი მატჩი ჩაატარა, ორი გოლი გაიტანა და ამდენივე შედეგიანი გადაცემა მიითვალა.

უელსელ გარემარბსა და მადრიდის “რეალს” შორის გაფორმებულ შრომით ხელშეკრულებას ვადა 2022 წლის 30 ივნისის ჩათვლით აქვს.