“ბარსელონამ” სუარესის ორ პოტენციურ შემცვლელს მიაკვლია

კატალონიის “ბარსელონას” ხელმძღვანელები აქტიურად ფიქრობენ ლუის სუარესის შემცვლელის პოვნაზე. ცნობისთვის გეტყვით, რომ “ბლაუგრანას” ურუგვაელ შემტევს უახლოეს მომავალში 33 წელი შეუსრულდება.

რამდენადაც ჩვენთვის ცნობილი ხდება, “ლურჯ-ბროწეულისფერთა” შტაბში სუარესის შემცვლელის ორ კანდიდატურას განიხილავენ – საუბარია ლაუტარო მარტინესსა და ერლინგ ბრაუტ ჰოლანდზე.

“ინტერიდან” მაურო იკარდის წასვლის შედეგად დაწინაურებულმა ლაუტარო მარტინესმა “ნერაძურის” მაისურით ჩატარებულ 16 მატჩში რვა გოლის გატანა შეძლო და აქტივში სამი საგოლე გადაცემაც მიითვალა.

რაც შეეხება “ზალცბურგის” ახალგაზრდა ვარსვკლავ ჰოლანდს, ეს უკანასკნელი, ამ დროისთვის ჩემპიონთა ლიგის ჯგუფური ეტაპის საუკეთესო ბომბარდირი გახლავთ.