ნამდვილი თრილერი “შეფილდისა” და “მანჩესტერის” მატჩში (ვიდეო)

24 ნოემბერს პრემიერ ლიგის მე-13 ტურის შეხვედრაში “შეფილდ იუნაიტედმა” საკუთარ კედლებში “მანჩესტერ იუნაიტედი” მიიღო. შეხვედრა ძალიან საინტერესოდ და დაძაბულად წარიმართა.

მატჩის პირველი ტაიმი სრულად მასპინძელთა უპირატესობით წარიმართა. ანგარიში ჯონ ფლეკმა მე-19 წუთზე გახსნა, რამაც კიდევ უფრო გააძლიერე ზეწოლა დე ხეას კართან. პირველ ტაიმში “მანჩესტერელებმა” მეტოქეს ვერაფრით უპასუხეს.

მეორე ტაიმიც “შეფილდის” გოლით გაიხსნა, კერძო ლის მუსეტმა შეძლო თავის გამოჩენა (52′). 72-ე წუთიდან კი “მანჩესტერ იუნაიტედის” ბრწყინვალე ქამბექს ჩაეყარა საფუძველი, რაც ბრენდონ უილიამსის, მეისონ გრინვუდისა (77′) და მარკუს რეშფორდის (77′) გოლების დამსახურება გახლავთ – 2:3.

ყველაფერი ისე მიდიოდა, რომ ოლე გუნარ სულშერის გუნდს შინ სამი ქულა უნდა წაეღო, თუმცა მატჩის ბოლო წუთებზე მაკბარნიმ გამათანაბრებელი გოლის გატანა შეძლო და საბოლოო ანგარიშიც დაფიქსირდა – 3:3.