ვალვერდე: “ნაპოლის” ძალიან რთულ მეტოქედ მივიჩნევ”
16 დეკემბერს ჩემპიონთა ლიგის 2019/20 წლების სეზონის პლეი-ოფის წილისყრა გაიმართა. კატალონიის “ბარსელონას” მეტოქედ კრიზისში მყოფი “ნაპოლი” შეხვდა. წილისყრის შემდეგ ერნესტო ვალვერდემ პრესასთან კომენტარი გააკეთა.
“როგორც ველოდით, რთული მეტოქე შეგვხვდა. წინასასეზონო პერიოდში ჩვენ უკვე დავუპირისპირდით ამ გუნდს, თუმცა ამას დიდი მნიშვნელობა არ უნდა ჰქონდეს.
რამდენიმე თვე გავიდა, მათ ახალი მთავარი მწვრთნელი ჰყავთ. სერია A-ში სეზონი ცუდად დაიწყეს, თუმცა ჩემპიონთა ლიგაზე საკმაოდ კარგად გამოიყურებოდნენ. “ნაპოლის” ძალიან რთულ მეტოქედ მივიჩნევ, რომელსაც საშინაო კედლებში ბრწყინვალე ატმოსფერო ელოდება.
მათ რიგებში არაერთი ბრწყინვალე მოთამაშე ირიცხება – ალანი, მერტენსი, ინსინიე. წინასასეზონო თამაშისას მათ დაამტკიცეს, რომ მაღალი დონის ფეხბურთელები არიან. ვნახოთ, როგორ განვითარდება მოვლენები,” – აცხადებდს “ბარსელონას” თავკაცი.
შეგახსენებთ, რომ რამდენიემ დღის წინ “ნეაპოლიტანურმა” გრანდმა კარლო ანჩელოტის ხელშეკრულება გაუწყვიტა და გუნდის მთავარ მწვრთნელად ჯენარო გატუზო დანიშნა.
