ზიდანი: “ამ თამაშით მოგება დავიმსახურეთ”
მადრიდის “რეალის” მთავარმა მწვრთნელმა, ზინედინ ზიდანმა “ბარსელონასთან” “ნოუ კამპზე” ჩატარებული მატჩის (0:0) შემდეგ კომენტარი გააკეთა. ფრანგი სპეციალისტი ფიქრობს, რომ მისმა გუნდმა უფრო მეტი დაიმსახურა.
“მთელი 90 წუთის განმავლობაში კონცენტრირებულები ვიყავით. ეს იყო კლასიკური, კარგი საფეხბურთო თამაში, რომელსაც მხოლოდ გოლები აკლდა. თამაშით მოხარულები ვართ, რადგან ჩვენი მეტოქე ძლიერია. შესაძლებელი იყო, სხვა ანგარიში დაფიქსირებულიყო, მაგრამ ფეხბურთი ასეთია… თუ შანსი გაქვს, უნდა გამოიყენო. ვფიქრობ, უფრო მეტი დავიმსახურეთ.
იმ თამაშით, რაც ჩვენ ვითამაშეთ, გამარჯვება დავიმსახურეთ. მეტოქეს თავისივე ნახწვარზე პრესინგი შევთავაზეთ, ბურთს ვაკონტროლებდით და კარგადაც ვთამაშობდით. რაც შეეხება საკამათო მომენტებს, მსაჯმა და ვიფეორეფერიმ არაფერი დააფიქსირეს, მეც არაფრის შეცვლა არ შემიძლია”, – განაცხადა ზიდანმა.
