ოფიციალურად: ერლინგ ჰოლანდი “ბორუსიას” ფეხბურთელია

დორტმუნდის “ბორუსიას” ოფიციალური ვებ-გვერდი ადასტურებს ინფორმაციას, რომლის მიხედვითაც “ზალცბურგის” ვარსკვლავი ერლინგ ჰოლანდი კარეირას სწორედ გერმანულ გრანდში გააგრძელებს.

რამდენადაც ცნობილი ხდება, 19 წლის ნორვეგიელმა ფეხბურთელმა დორტმუნდის “ბორუსიასთან” კონტრაქტი 2024 წლამდე გააფორმა. ფეხბურთელი “ბორუსიას” 3 იანვარს შეუერთდება და გუნდთან ერთად ესპანურ შეკრებაში მიიღებს მონწილეობას.

Kicker-ის ცნობით ჰოლანდის ტრანსფერი “ბორუსიას” სულ რაღაც 20 მილიონი ევრო დაუჯდა. აქვე ცნობილი ხდება ისიც, რომ ფეხბურთელი დაახლოებით 8 მილიონ ევროს მიიღებს წელიწადში ხელფასისსახით.

ჰოლანდმა საფეხბურთო სამყაროს თავი ჩემპიონთა ლიგაზე წარმატებული ასპარეზობით გააცნო – ამ უკანასკნელმა ჯგუფური ეტაპის 6 მატჩში 8 გოლის გატანა შეძლო.