დღის მთავარი სატრანსფერო – 10 იანვარი
სემედუ “ტოტენჰემში”?
ბრიტანულ მედიაში გავრცელებული ინფორმაციით, ლონდონის “ტოტენჰემი” “ბარსელონას” მარჯვენა მცველით, ნელსონ სემედუთია დაინტერესებული.
“მირორის” ცნობით, ლონდონელთა მთავარ მწვრთნელ ჟოზე მოურინიოს პორტუგალიელი ფეხბურთელი ძალიან მოსწონს.
“მილანი”, შესაძლოა, დონარუმას “რეალში” გადასვლას დათანხმდეს
Calciomercato-ს ცნობით, შესაძლოა, “მილანი” მადრიდის “რეალის” მიერ ჯანლუიჯი დონარუმას თაობაზე გაკეთებულ შეთავაზებას დათანხმდეს.
უკვე დიდი ხანია, მადრიდული კლუბი “როსონერის” მეკარის მიმართ ინტერესს იჩენს.
“ინტერის” შეთავაზება ჟირუს
დიდი შანსია, “ჩელსის” თავდამსხმელი ოლივიე ჟირუ ისევ ანტონიო კონტესთან ერთად ვიხილოთ. გავრცელებული ინფორმაციით, მილანურმა კლუბმა ფრანგ ფეხბურთელს შეთავაზება უკვე გაუგზავნა.
Goal.com-ის ცნობით, მოლაპარაკებების პროცესში ანტონიო კონტე აქტიურადაა ჩართული.
“მილანის” უარი “ტოტენჰემს”
იტალიური მედიის ცნობით, “მილანმა” “ტოტენჰემს” კშიშტოფ პიონტეკის იჯარაზე უარი უთხრა.
ამავდროულად, ლონდონური კლუბი ახალ შეთავაზებაზე ფიქრობს. ერთ-ერთი ვერსიით, “ტოტენჰემი” პოლონელი თავდამსხმელი პირდაპირ შეძენას შეეცდება, მის სანაცვლოდ კი “როსონერის” ვიქტორ ვანიამასა და ხუან ფოიტს შეთავაზებს.
შეგახსენებთ, რომ “ტოტენჰემის” კაპიტანმა და მთავარმა მეგოლემ, ჰარი კეინმა ტრავმა მიიღო, რის გამოც სამ თვეს გამოტოვებს.
მბაპე: “ახლა კონტრაქტზე სასაუბროდ შესაფერისი დრო არ არის”
“პარი სენ-ჟერმენის” თავდამსხმელი, კილიან მბაპე აცხადებს, რომ ახლა კონტრაქტზე სასაუბროდ შესაფერისი დრო არ არის.
“ახლა მხოლოდ ფეხბურთის თამაშზე ვარ კონცენტრირებული, კონტრაქტის გახანგძლივებაზე სასაუბროდ შესაფერისი დრო არ არის. მინდა, მიმდინარე სეზონში გუნდთან ერთად წარმატებას მივაღწიო”, – უთხრა მბაპემ ფრანგულ მედიას.
შეგახსენებთ, რომ 21 წლის ფეხბურთელის შეძენა არაერთ კლუბს სურს, პსჟ კი მასთან კონტრაქტის გახანძლივებაზე მუშაობს.
