ინგლისში თავით თამაშზე შეზღუდვებს დააწესებენ

ინგლისის ფეხბურთის ასოციაცია 18 წლამდე ფეხბურთელებს თავით თამაშზე გარკვეულ შეზღუდვებს დაუწესებს.

ინგლისის ფეხბურთის ასოციაცია უახლოეს მომავალში 18 წლამდე გუნდების საწვრთნელ პროცესში თავით თამაშზე შეზღუდვებს დააწესებს. კონკრეტული წესი დამუშავების სტადიაშია. ფეხბურთის ასოციაციას მაგალითის აღება შოტლანდიისა და ამერიკის შეერთებული შტატებისგან სურს, სადაც უკვე მოქმედებს აკრძალვები ბავშვთა ფეხბურთში თავით თამაშზე.

შეზღუდვების დაწესების მიზეზი ნამდვილად არსებობს. კვლევების თანახმად, ნეიროდეგენერაციული დაავადებები (ალცჰეიმერის დაავადება, პარკინსონის დაავადება, ზურგის კუნთების ატროფია და ა.შ.) ფეხბურთელებში სამნახევარჯერ უფრო ხშირია, ვიდრე საშუალოსტატისტიკურ ადამიანებში. ასეთი სტატისტიკა, სავარაუდოდ, თავით ბურთის ხშირად თამაშის ბრალი უნდა იყოს.