კოუტინიო: “ლივერპული” დაფრინავს და მე ეს არ მიკვირს”

მიუნხენის “ბაიერნის” ნახევარმცველმა, ფილიპე კოუტინიომ ყოფილი გუნდის, “ლივერპულის” შესახებ ისაუბრა. ბრაზილიელი ფეხბურთელი ამბობს, რომ მას მერსესაიდელთა წარმატებული თამაში არ აკვირვებს.

“ლივერპული” დაფრინავს და მე ეს არ მიკვირს. გასულ წელს გუნდმა ჩემპიონთა ლიგა მოიგო. ეს ყველაფერი არ მიკვირს იმიტომ, რომ “ლივერპულს” ფანტასტიკური შემადგენლობა და მწვრთნელი ჰყავს. მათი წარმატება მიხარია, რადგან იქ ბევრი მეგობარი მყავს. მათი გამარჯვებები მახარებს.

უკან აღარ ვიხედები, ახლა უკვე სხვა თავგადასავალში ვარ. იმაზე ვარ ორიენტირებული, რომ ჩემი ოცნებები ავიხდინო. მოხარული ვარ იმით, რაც წარსულში გავაკეთე, ახლა კი მხოლოდ წინ უნდა ვიყურო”, – ციტირებს კოუტინიოს სიტყვებს Goal.Com.

შეგახსენებთ, რომ ბრაზილიელი შემტევმა “ლივერპული” 2018 წელს დატოვა. მის სანაცვლოდ “ბარსელონამ” 142 მილიონი ფუნტი გადაიხადა.