კლოპმა იტალიის ჩემპიონატის მოგების მთავარი ფავორიტი დაასახელა

მერსესაიდული “ლივერპულის” მთავარმა მწვრთნელმა, იურგენ კლოპმა, პრესასთან საუბრისას იტალიის სერია A-ს მოგების მთავარ ფავორიტად არა “იუვენტუსი” ან “ინტერი”, არამედ “ლაციო” დაასახელა.

“ფავორიტად “ლაციოს” მივიჩნევ. მათ რიგებში ლუკას ლეივა თამაშობს, რომელიც “ლივერპულშიც” ირიცხებოდა. ჩირო იმობილესთანაც მაქვს ნამუშევარი. ასე რომ, მე მათ ვგულშემატკივრობ.

სარისთან ბოდიშს ვიხდი, მაგრამ “ლაციო” უბრალოდ ბრწყინვალე სეზონს ატარებს. ეს ყველასათვის სიურპრიზია,” – აცხადებს კლოპი.

შეგახსენებთ, რომ ამ დროისთვის “ლაციო” სატურნირო ცხრილში მესამე პოზიციას იკავებს. სატურნირო ცხრილის სათავეში კი “იუვენტუსი” იმყოფება.