ჯეისონ მაკატირი: “ლივერპულში” მხოლოდ ორი ფეხბურთელია ხელშეუხებელი”

“ლივერპულის” ყოფილი ვარსკვლავი, ჯეისონ მაკატირი, მიიჩნევს, რომ იურგენ კლოპს გუნდში მხოლოდ ორი ისეთი ფეხბურთელი ჰყავს, რომელთა შეცვლაც შეუძლებელია.

“ლივერპულში” მხოლოდ ორი ფეხბურთელია ხელშეუხებელი – ვირჯილ ვან დაიკისა და ალისონ ბეკერის შეცვლა პრაქტიკულად შეუძლებელია. ძირითადი შემადგენლობიდან ნებისმიერი სხვა რომ გამოაკლდეთ, ისევ ისეთივე ძლიერები იქნებიან.

მიუხედავად იმისა, რომ ჯორდან ჰენდერსონის უდიდესი ფანი გახლავართ, იგივე ეხება მასაც. იურგენ კლოპს ჰყავს ისეთი ფეხბურთელები, რომლებითაც ნებისმიერ პრობლემას მოაგვარებენ.

როდესაც ფაბინიომ ტრავმა მიიღო, ბევრი თვლიდა, რომ ნახევარდაცვას დიდი პრობლემები შეექმნებოდა, მაგრამ მსგავსი არაფერი მომხდარა. ჯორდანმა ბრწყინვალედ შეძლო სიცარიელის შევსება და მას შემდეგ გუნდის მნიშვნელოვანი ნაწილი გახდა, თუმცა არა შეუცვლელი,” – აცხადებს მაკატირი.