სიმეონე: “ობლაკი ჩვენთვის ისეთივე მნიშვნელოვანია, როგორც მესი – “ბარსელონასთვის”
11 მარტს ჩემპიონთა ლიგის მერვედფინალური ეტაპის განმეორებითი მატჩი შედგა “ლივერპულისა” და “ატლეტიკოს” შორის. მადრიდელებმა დამატებით ტაიმებში შეძლეს ევროპის მოქმედი ჩემპიონის დამარცხება და მომდევნო ეტაპის საგზურიც მოიპოვეს.
ზემოხსენებულ მატჩში წარმოუდგენლად ძლიერი პერფრომანსი შემოგვთავაზა “როხიბლანკოს” კარის დარაჯმა იან ობლაკმა, რომელმაც მატჩის ძირითადი დროის მიმდინარეობისას არაერთი უმაღლესი კლასის სეივი შემოგვთავაზა.
“ეჭვიც არ მეპარება, რომ ჩვენი მეკარე მსოფლიოში საუკეთესოა. ამას ძალიან დიდი ხანია რაც ვამბობ და კვლავაც გავიმეორებ. “ბარსელონაში” მესი მატჩის ბედს თავისი შეტევებით წყვეტს, ობლაკი კი თავისი სეივებით.ობლაკი ჩვენთვის ისეთივე მნიშვნელოვანია, როგორც მესი – “ბარსელონასთვის”.
“ატლეტიკოს” ფეხბურთელები გასახდელში ფიქრობდნენ, თუ რამდენად ძლიერი იყო გუნდი, რომლის დამარცხებაც შეძლო. ამ ორ მხარეს შორის განმასხვავებელი სწორედ მეკარეების დონე იყო,” – აცხადებს სიმეონე.
