მესი თუ რონალდუ? – 10 დიდი მწვრთნელის პასუხი
კრიშტიანო რონალდუ და ლიონელ მესი ყველა დროის საუკეთესო ფეხბურთელთა რიგებში არიან. ვინ არის მათ შორის უკეთესი, ამ საკითხზე კამათი ყოველთვის იყო, არის და იქნება.
გთავაზობთ გამორჩეული მწვრთნელების პასუხებს შეკითხვაზე “მესი თუ რონალდუ?”
სერ ალექს ფერგიუსონი – კრიშტიანო რონალდუ
“მესი ფანტასტიკური ფეხბურთელია, მაგრამ ჩემთვის მათ შორის განსხვავებები თვალსაჩინოა. მესი “ბარსელონას” ფეხბურთელია, რონალდუს კი შეუძლია “სტოკპორტ კაუნთის” რიგებში ჰეთ-თრიქი შეასრულოს. მას ყველაფერი აქვს. ორივე ფეხით დარტყმა შეუძლია, თავით ბრწყინვალედ თამაშობს და ლომივით მამაცია.”
ფაბიო კაპელო – ლიონელ მესი
“მათ შორის დიდი განსხვავებაა. გენიოსი აკეთებს იმას, რასაც ვერავინ წარმოიდგენს. რონალდუ არაჩვეულებრივი ფეხბურთელია, მაგრამ მესი გენიოსია.”
დიეგო სიმეონე – ლიონელ მესი
“თუ მესისა და რონალდუს შორის არჩევანი უნდა გავაკეთო, მაშინ, ალბათ, მესის ავირჩევი. მესი რონალდუზე უკეთესია.”
იურგენ კლოპი – ლიონელ მესი
“ჩემ სმარტფონში მხოლოდ ერთი სელფი მაქვს. ფოტოზე მე და მესი ვართ. იმ ოთახში, სადაც სელფი გადავიღე, რონალდუც იყო.”
ზინედინ ზიდანი – კრიშტიანო რონალდუ
“კრიშტიანო საუკეთესოა. მესი მისი მეტოქეა, მათი დაპირისპირების ნახვა კი ყველას სურს. რონალდუ ფენომენალურია. მის დასახასიათებლად სიტყვები არ მეყოფა. მეც დიდი კარიერა მქონდა, თუმცა ის ბევრად უკეთესია. ის ყველა დროის საუკეთესო ფეხბურთელია.”
ჟოზე მოურინიო – არცერთი
“ვფიქრობ, უსამართლოა, როცა ამბობენ, რომ ამ ორიდან ერთი საუკეთესოა. ისინი განსხვავებულები არიან. მათი შედარება უსამართლობაა. ერთადერთი, რისი თქმაც შემიძლია, ისაა, რომ ძალიან ბედნიერი ვიყავი, როცა რონალდუ ჩემ გუნდში თამაშობდა.”
პეპ გვარდიოლა – ლიონელ მესი
“მესი საუკეთესოა. მან იცის, როგორ ითამაშოს, გოლი როგორ გაიტანოს და როგორ ათამაშოს თანაგუნდელები. ყველა ფეხბურთელს დიდ პატივს ვცემ, მაგრამ მე ვფიქრობ, რომ მესი სხვა დონეზეა.”
იოაჰიმ ლიოვი – ლიონელ მესი
“მე მესის ავირჩევ. რონალდუ საოცარი ფეხბურთელი, ძალიან დიდი პროფესიონალი და გოლების მანქანაა, მაგრამ მესი ყველაზე სრულყოფილი მოთამაშეა, ვინც კი მინახავს. მესი სეზონში 30-40 საგოლე პასს აკეთებს და 50 გოლი გააქვს.”
არსენ ვენგერი – არცერთი
“მათ შორის რომელიმეს გამორჩევა რთულია. მესი რონალდუზე მეტად კრეატიულია, თუმცა კრიშტიანო საგოლე მომენტების უკეთ დამსრულებელია.”
ვისენტე დელ ბოსკე – ლინელ მესი
“მესი რეგულარულად შთამბეჭდავად თამაშობს, დიდებული ფეხბურთელია. მე მესის ვირჩევ. ის უფრო ბუნებრივ მოთამაშედ მიმაჩნია. რონალდუს არაჩვეულებრივი ფიზიკური და ტექნიკური მონაცემები აქვს, თუმცა მე მესის ვირჩევ.”
