კანავარო: შემოვტრიალდი და წაქცეული მატერაცი დავინახე, რომელიც იძახოდა…

ლეგენდარულმა იტალიელმა მცველმა ფაბიო კანავარომ 2006 წლის მსოფლიო ჩემპიონატის ფინალში მომხდარი ყველასათვის ცნობილი ეპიზოდი გაიხსენა.

როგორც იცით, ფინალური მატჩის დამატებით ტაიმებში ზიდანმა მატერაცის მკერდში თავი ჩაარტყა, რის გამოც საფრანგეთის ნაკრების კაპიტანი მოედნიდან გააძევეს.

“სიმართლე უნდა ვთქვა, მე მხოლოდ ხმაური მახსოვს. ახლოს ვიყავი. შემოვტრიალდი და დავინახე, რომ მატერაცი წაქცეული იყო. მარკო ამბობდა: “მან თავი ჩამარტყა.” იყო თუ არა ეს მისთვის მტკივნეული? რაც არ უნდა იყოს, მან ის გააკეთა, რაც უნდა გაკეთებინა. მინდორზე თავი ძალით დაიგდო. მადლობა და ნახვამდის. თუმცა, უნდა ვთქვა, რომ ზიდანმა მატერაცის თავი კარგად ჩაარტყა!” – ციტირებს კანავაროს სიტყვებს Goal.Com.