მილან იოვიჩი: “ლუკა დეპრესიაშია, ცოტათი შეშინებულია”

ლუკა იოვიჩი სერბეთის დედაქალაქ ბელგრადიდან მადრიდში ტრავმირებული დაბრუნდა. ჩაგდებული სეზონის შემდეგ ჟურნალისტებს კიდევ ერთი მიზეზი მიეცათ ლუკას გასაკრიტიკებლად. “აინტრახტის” ყოფილ შემტევს მამამისი, მილან იოვიჩი, გამოექომაგა.

“ლუკა დეპრესიაშია, ცოტათი შეშინებულია. ბელგრადში, სახლში ყოფნისას ემზადებოდა მოედანზე დასაბრუნებლად. ის სპეციალურ პროგრამას იყენებდა სავარჯიშოდ, რომელიც კლუბმა გამოუგზავნა.

უეცრად მან ძლიერი ტკივილი იგრძნო. ვინ იფიქრებდა, რომ ასეთი სერიოზული იქნებოდა? მას სურდა, რომ მოედანზე უძლიერესი დაბრუნებულიყო და ახლა ასეთი რამ დაემართა.

ჯერჯერობით უცნობია, რა დროს გაატარებს ლაზარეთში. ამის გასარკვევად დამატებითი სამედიცინო გამოკვლევების ჩატარებაა საჭირო,” – აცხადებს მილან იოვიჩი.