შევჩენკო: “ძალიან მინდა, ერთ დღეს “მილანის” მწვრთნელი გავხდე”

უკრაინის საფეხბურთო ნაკრების მთავარმა მწრთნელმა, ანდრეი შევჩენკომ, აღიარა, რომ “მილანის” თავკაცობის პერსპექტივაზე ფიქრობს. შეგახსენებთ, რომ შევჩენკო “მილანში” 1999-06 და 2008-09 წლებში ასპარეზობდა. “როსონერის” მაისურით უკრაინელმა ოქროს ბურთის მოგებაც კი შეძლო.

“ძალიან მინდა, ერთ დღეს “მილანის” მწვრთნელი გავხდე. ეს კლუბი ყოველთვის ჩემ გულში იქნება, ძალიან მიყვარს მათი ფანები. ვნახოთ, რა მოხდება მომავალში. თუმცა ეს ერთ-ერთი ჩემი მთავარი მიზანია. ახლა კი მხოლოდ უკრაინის ნაკრებზე ვფიქრობ.

ჩვენ (“მილანი”) სეზონის დარჩენილი ნაწილი მაქსიმალურად უნდა გამოვიყენოთ. თითოეულმა ფეხბურთელმა ბოლომდე უნდა იბრძოლოს, რათა საჭირო შედეგი მივიღოთ.

შემდეგ კი ვნახოთ თუ რას მოგვიტანს მომავალი,” – განაცხადა შევჩენკომ ინსტაგრამის პირდაპირ ეთერში ჩართვისას.