ლიუკ შოუ: “რაშფორდს “ოქროს ბურთის” მოგება შეუძლია”

“მანჩესტერ იუნაიტედის” მცველმა ლიუკ შოუმ გუნდის ფორვარდ მარკუს რაშფორდის შესახებ ისაუბრა და თქვა, რომ მას “ოქროს ბურთის” მოგება შეუძლია.

“მარკუსი დროთა განმავლობაში მნიშვნელოვნად განვითარდა. ის ძალზედ სანახაობრივად თამაშობს. მარკუსი გაიზარდა. ყველა ხედავდა, როგორ ღირსეულად იქცეოდა ის ამ პანდემიის დროს. ოჯახის დამსახურებაა, რომ მარკუსი ასეთი თავმდაბალია. ის ბევრი ახალგაზრდისთვის მისაბაძი ადამიანია, განსაკუთრებით – მანჩესტერელი ბიჭებისთვის.

მარკუსს ყოველთვის განვითარება სურს და მგონია, რომ ის სულ უფრო და უფრო ძლიერი ხდება, თავდაჯერებულობა ემატება. მას შეუძლია, რომ ოდესმე საუკეთესო გახდეს და ამისთვის თავს არ ზოგავს. თუ ასე გააგრძელებს, არ არსებობს მიზეზი, რატომ არ უნდა მოიგოს “ოქროს ბურთი”, – შოუს კომენტარი “მანჩესტერ იუნაიტედის” ოფიციალურ ვებგვერდზე გამოქვეყნდა.