კიკე სეტიენი: “იმედი მაქვს, რომ “რეალი” შეცდომებს დაუშვებს”

კატალონიის “ბარსელონას” მთავარმა მწვრთნელმა, კიკე სეტიენმა, საჩემპიონო ბრძოლაზე გააკეთა კომენტარი. შეგახსენებთ, რომ “ბლაუგრანა” მომდევნო მატჩს 27 ივნისს “სელტას” წინააღმდეგ გამართავს.

“ჯერ კიდევ მჯერა, რომ ჩემპიონატის მოგება შესაძლებელია. რა თქმა უნდა, ძალიან რთული იქნება, მაგრამ ყველა დარჩენილ მატჩში სამი ქულა უნდა ავიღოთ.

ჩვენი მთავარი მეტოქე კარგ სათამაშო ფორმაში იმყოფება, ისევე როგორც ჩვენ. დიდი იმედი მაქვს, რომ “რეალი” შეცდომებს დაუშვებს და ჩვენ მათ გადავუსწრებთ,” – აცხადებს სეტიენი.

ლა ლიგაში ჩატარებული 31 ტურის შემდეგ მადრიდის “რეალსა” და კატალონიის “ბარსელონას” 68-68 ქულა უგროვდებათ. ურთიერშეხვედრებში უპირატესობის ხარჯზე პირველ ადგილს “ბლანკოსი” იკავებს.