კონორის მწვრთნელი აანონსებს ბრძოლებს, რომლებიც დაბრუნების შემთხვევაში შედგება

UFC-ის სუპერვარსკვლავი მებრძოლის, კონორ მაკგრეგორის, მწვრთნელი ჯონ კავანა პრესასთან საუბრისას აცხადებს, რომ ირლანდიელი ვარსკვლავი ოქტაგონზე დაბრუნებას ამ დროისთვის არ აპირებს.

“ნამდვილად არ ვიცი, დაბრუნდება თუ არა კონორი. ახლა ის პენსიაზე ყოფნით სიამოვნებას იღებს, მე კი მისთვის მხოლოდ საუკეთესო მინდა. ვინ იცის რა მოხდება მომავალში, ის ჯერ კიდევ ახალგაზრდაა. ვნახოთ, როგორ წინადადებებს მიიღებს ის მომავალში.

თუ ის დაბრუნებას გადაწყვეტს, სამი ბრძოლის ხილვა მსურს. ჯასტინ გეჯთან მისი ბრძოლა აღმაფრთოვანებელი იქნება, ისევე როგორც ნეიტომ დიასთან და რა თქმა უნდა, ხაბიბ ნურმაგომედოვთან,” – ციტირებს კავანას სიტყვებს Fightnews.

შეგახსენებთ, რომ 2020 წლის ივნისში 31 წლის კონორ მაკგრეგორმა მესამედ მიიღო კარიერის დასრულების გადაწყვეტილება.