ერიკ აბიდალს “ბარსელონაში” ლორან ბლანის ხილვა სურს

ერიკ აბიდალი “ბარსელონას” დირექტორთა საბჭოში გუნდის მთავარ მწვრთნელად ლორან ბლანის დანიშვნის საკითხის წამოწევას გეგმავს. ამ ინფომრაციას L’Equipe ადასტურებს.

რგორც ცნობილი ხდება, ერიკ აბიდალი კიკე სეტიენის შესაძლებლობებში დარწმუნებული არ არის და არჩევანს “პარი სენ-ჟერმენისა” და საფრანგეთის ნაკრების ექს-თავკაცზე აკეთებს, რომელიც ამ დროისთვის თავისუფალია. კლუბის სპორტულ დირექტორს მხარს მისი მოადგილეც უჭერს.

ერთადერთი რამ, რაც ბლანის წარმატებულობის საკითხს კითხვის ნიშნის ქვეშ აყენებს ის ფაქტი გახლავთ, რომ ფრანგი სპეციალისტი 2016 წლის ზაფხულის შემდეგ უმუშევარია. ამის მიზეზად კი მისი მაღალი ფინანსური მოთხოვნები სახელდება.

შეგახსენებთ, რომ ლორან ბლანი 1996-97 წლებში “ბარსელონას” ღირსებას ფეხბურთელის რანგში იცავდა.