ლუკა ზარანდია ავტოავარიაში მოყვა (ფოტო)

ბელგიური “ზულტე ვარეგემის” ფეხბურთელი, ლუკა ზარანდია ავტოავარიაში მოყვა. ინციდენტი ბელგიაში შაბათს მოხდა.

ავტომობილს ქართველი შემტევის მექსიკელი თანაგუნდელი, ომარ გოვეა მართავდა. “ზულტე ვარეგემის” ოფიციალური ვებ-გვერდის ცნობით, ფეხბურთელებმა მცირე დაზიანებები მიიღეს და ისინი თავს კარგად გრძნობენ.

ბელგიური გაზეთის, HLN-ის ცნობით, გოვეა ალკოჰოლის ზემოქმედების ქვეშ იმყოფებოდა და მას ყალბი მართვის მოწმობა ჰქონდა. მექსიკელი სხვა ავტომობილს მაშინ შეეჯახა, როცა ის ერთ-ერთ ქუჩაზე საკუთარი ავტომობილის გაჩერებას ცდილობდა.

ლუკა ზარანდია “ზულტე ვარეგემში” 2019 წლის 2 ივლისს გადავიდა. ბელგიურმა კლუბმა ის თებერვალში ყაზახურ “ტობოლში” გაანათხოვრა. ერთი კვირის წინ იჯარის ვადა ამოიწურა და 24 წლის ფეხბურთელი ბელგიაში დაბრუნდა.