ოფიციალურად: ლიხშტაინერმა კარიერა დაასრულა

ტურინის “იუვენტუსის”, ლონდონის “არსენალისა” და შვეიცარიის საფეხბურთო ნაკრების ყოფილმა მცველმა, შტეფან ლიხშტაინერმა, ფეხბურთელის კარიერის დასრულება გადაწყვიტა.

ლიხშტაინერმა ასევე ითამაშა “გრასჰოპერის”, “ლილის”, “ლაციოსა” და “აუგსბურგის” რიგებში. 36 წლის ფეხბურთელის ანგარიშზე 17 მოგებული ტიტული დაგროვდა, მათ შორის “ბიანკონერის” რიგებში მოგებული 7 “სკუდეტო”.

შვეიცარიის ნაკრებში ლიხშტაინერმა 105 მატჩი ჩაატარა და 8 გოლი გაიტანა. მან ევროპის 2008 და 2016 წლების ჩემპიონატსა და 2010, 2014 და 2018 წლების მუნდიალის გათამაშებაში მიიღო მონაწილეობა.