დეპაი “ბარსელონაში” შესაძლო ტრანსფერზე კომენტარს აკეთებს

“ლიონის” თავდამსხმელი, მემფის დეპაი, ადასტურებს ინფორმაციას კატალონიის “ბარსელონას” მხრიდან ინტერესის არსებობის შესახებ. როგორც ესპანური გამოცემები იუწყებიან, დეპაის გადაბირების სურვილს გუნდის ახალი თავკაცი, რონალდ კუმანი, გამოთქვამს.

“ვნახოთ, როგორ განვითარდება მოვლენები. ხვალ ხელმძღვანელობას გავესაუბრები.

ჩემი აგენტისგან დეტალური ინფორმაცია არ მიმიღია. ვიცი, რომ ინტერესი არსებობს, თუმცა მეტ ვერაფერს გეტყვით,” – ციტირებს ნიდერლანდელი ფეხბურთელის სიტყვებს NOS.

ცნობისთვის გეტყვით, რომ დეპაის ფრანგულ კლუბთან კონტრაქტი მომავალ წელს ეწურება და ხელშეკრულების გახანგრძლივებას არ გეგმავს. შესაბამისად, მემფისის ტრანსფერი “ლიონის” წისქვილზეც ასხამს წყალს.