დანაკლისი – საქართველოს ნაკრებში ფინალში ოთარ კიტეიშვილი ვერ დაეხმარება

საქართველოს ეროვნული ნაკრების ფეხბურთელი, ოთარ კიტეიშვილი ჩრდილოეთ მაკედონიასთან მატჩში მიღებული ტრავმის გამო მინიმუმ ექვს კვირას გამოტოვებს. ეს იმას ნიშნავს, რომ 24 წლის ნახევარმცველი ევროპის ჩემპიონატის საკვალიფიკაციო ეტაპის ფინალურ შეხვედრაში საქართველოს ნაკრებს ვერ დაეხმარება.

კიტეიშვილამ დაზიანება საზარდულის არეში მიიღო, რის გამოც ჩრდილოეთ მაკედონიასთან თამაში ვეღარ გააგრძელა და მე-7 წუთზე შეცვალეს. დღეს მას გამოკვლევები ჩაუტარდა, რის შემდეგაც გაირკვა, რომ ექვსი კვირით იუქმებს.

“ეს კიტეიშვილის მესამე სერიოზული ტრავმაა ბოლო სამ თვეში, რაც რა თქმა უნდა, ძალიან სამწუხაროა. იმედი გვაქვს, ოთარი ვარჯიშს რაც შეიძლება მალე დაიწყებს”, – განაცხადა გრაცის “შტურმის” მთავარმა მწვრთნელმა, კრისტიან ილცერმა.