“ჩემპიონობით გამოსწორდება ეს ყველაფერი? თამასა ეგრეა შენთვის?” – “დინამოს” ფანები ფეხბურთელებს (ვიდეო)

თბილისის “დინამოს” ფანები ეროვნულ ლიგაში გამართული ერთ-ერთი მატჩის შემდეგ გუნდის ფეხბურთელებს შეხვდნენ. საუბრის თემა ევროტურნირებზე ცუდი გამოსვლა იყო.

გთავაზობთ ვიდეოს, რომელიც სოციალურ ქსელში “ელიტა” აქვეყნებს:

“მერე ჩემპიონობით გამოსწორდება ეს ყველაფერი? თამასა შენთვის ეგრე დევს? “საბურთალოსთან” მოგებით გამოსწორდება ეს ყველაფერი? თამასა ეგრეა შენთვის?

ოპტიმიზმი ძალიან კარგია, ჩვენც გვაქვს ეგ ოპტიმიზმი, თორემ შეიძლება საერთოდ არ მოვსულიყავით აქ ან აქამდე მოვსულიყავით. აქამდეც იმიტომ არ მოვედით, რო მთამაში გქონდათ და გვინდოდა, რომ მოგეგოთ. გვინდა, არ გვინდა და გინდათ, არ გინდათ, “დინამოს” მაისურებით თქვენ გადიხართ იქ და “დინამოს” წარმომადგენლები სტადიონზე ხართ თქვენ.

[გიორგი პაპავას] შენ კაპიტანი ხარ და კარგად იცი, “დინამოში” ბევრი მოსულა და ბევრი წასულა ისე, რომ იმის გვარიც არ ვიცით. “დინამოში” თამაში რომ დინამოელობას არ ნიშნავს, ეგეც ხომ იცით? “დინამოში” თამაში არ ნიშნავს იმას, რომ ყველანი დინამოელები არიან. გვინდა, არ გვინდა, ჩვენ შორის ეს საუბარი უნდა შემდგარიყო.

…იგინებიან და იფურთხებიან და “დინამო” ახლა რომ გახდა სახალხო გუნდი და ამდენი წელია ცარიელ სტადიონზე რომ ვთამაშობთ… 90%, ეგენი სტადიონზე საერთოდ არ მოდიან. თქვენ, პირველ რიგში, პასუხისმგებლები ხართ ჩვენთან. ხო იცით, სადაც ვდგავართ, არა?

ერთ თამაშს არ ვეხები მე… 6-1 და… ხალხმა ეგ აკენწლა, თორემ რა… დანარჩენი თამაშები მაგრად ვიდექით? არ ვიდექით. ყველაზე დიდი შანსი ახლა გვქონდა, ყველაზე ძალიან ახლა გაგვიმართლა, მაგრამ ყველაზე ძაანაც ახლა ჩავი*ვით. ეგრე არ არის? თან ჩავი*ვით როგორ გუნდთან… ისიც იცოდეთ, რომ რაღაც “გაპრავებები”, რომ ისინი ჩვენზე ეკონომიკურად მაღლა დგანან…”, – ამბობს “დინამოს” ფანი.