“რეალი” ზიდანის შემცვლელად რაულისა და პოჩეტინოს კანდიდატურას განიხილავს
მადრიდის “რეალის” მიერ ჩემპიონთა ლიგაზე განცდილი მორიგი მარცხის (2:0 დონეცკის “შახტართან”) შემდეგ, პრესაში აქტიურად იწერებიან ზინედინ ზიდანის დათხოვნის შესაძლებლობაზე.
Marca-ს ინფორმაციით, “ბლანკოსის” ხელმძღვანელები ამ დროისთვის მხოლოდ რაულისა და მაურისიო პოჩეტინოს კანდიდატურებს განიხილავს. სავარაუდოდ, ზიდანს ითარების გამოსწორების შანსი ჩემპიონთა ლიგის გადამწყვეტ მატჩში მიეცემა, სადაც ფრანგი სპეციალისტის მეტოქე მიუნხენგლადბახის “ბორუსია” იქნება.
მაურისიო პოჩეტინოს “რეალის” მთავარი მწვრთნელის პოსტზე დანიშვნას ჯერ კიდევ რაფაელ ბენიტესის წასვლის შემდეგ უწინასწარმეტყველებდნენ. თუმცა დანიელ ლევიმ ყველაფერი გააკეთა იმისათვის, რომ შეთანხმება არ შემდგარიყო. ახლა კი არგენტინელი სპეციალისტი უკლუბოდ არის (დაახლოებით ერთი წელია).
რაც შეეხება “გალაქტიკოს” ლეგენდას, რაული მადრიდული კლუბის აკადემიაში მუშაობს, ისევე როგორც ზინედინ ზიდანი წვრთნიდა “კასტილიას” მთავარ გუნდში დანიშვნამდე.
