“ნაპოლიმ” საქმე მოიგო: ტექნიკური მარცხი გაუქმებულია, დაკლებული ქულა აღდგენილია

როგორც მოგეხსენებათ, იტალიის სერია A-ს მესამე ტურში “ნაპოლი” კორონავირუსული პანდემიის მიზეზით ტურინში, “იუვენტუსთან” მატჩის გასამართად არ ჩავიდა, თუმცა გათამაშების ადმინისტრაციამ შეხვედრის გადადების გადაწყვეტილება არ მიიღო. მაშინ სერია A-ს ხელმძღვანელობამ “ნაპოლის” დასჯის გადაწყვეტილება მიიღო და პროტოკოლის დარღვევის გამო კლუბს ანგარიშით 0:3 ტექნიკური მარცხი ჩაეთვალა. გარდა ამისა, “ნაპოლის” ერთი ქულაც დააკლეს.

“ნაპოლიმ” აღნიშნული გადაწყვეტილება სააპელაციო სასამართლოში გაასაჩივრა და საქმე მოიგო კიდეც. შესაბამისად, მიღებულია გადაწყვეტილება, რომ კლუბს ტექნიკური მარცხი გაუუქმდა და დაკლებული ქულაც აღუდგა. “იუვენტუსს” ტექნიკური გამარჯვებით მოპოვებული სამი ქულა გაუუქმდა. აღნიშნულ გუნდებს შორის მატჩი მაინც ჩატარდება.