“სამგურალი” ახალ წლამდე ყველაზე მაგრად გაძლიერდა
წყალტუბოს “სამგურალმა” 2020 წელს ეროვნულ ლიგაში გადასვლა მოახერხა და დავით ყიფიანის სახელობის თასის ფინალში გავიდა.
“სამგურალი” ეროვნულ ლიგა 2-ისთვის ძალიან გაძლიერდა და როგორც ჩანს, მომდევნო სეზონისთვისაც იმავეს აპირებს. გუნდმა 4 ფეხბურთელი დაიმატა და ლიდერებთან კონტრაქტები გაახანგრძლივა.
“სამგურალს” ირანიდან 35 წლის გამოცდილი მაქსიმე ქვილითაია, ზუგდიდიდან “სტოკ სიტის” აკადემიის აღზრდილი 24 წლის ლუქმან გილმორი, 29 წლის თავდამსხმელი გიორგი ბუხაიძე და 28 წლის შემტევი ნახევარმცველი დათო კირკიტაძე შეუერთდა.
გუნდმა შეინარჩუნა ეროვნულ ლიგა 2-ის საუკეთესო ფეხბურთელი და კლუბის ბომბარდირი, 21 წლის სერგო კუხიანიძე, ნახევარმცველები ისიფ ტურე, ფონიავა და კიკაბიძე. მცველების დიდი ნაწილი და მეკარე მეშველიანიც წყალტუბოში რჩება.
მოსალოდნელია, რომ “სამგურალი” სეზონის დაწყებამდე კიდევ რამდენიმე ტრანსფერს განახორციელებს.
