მაურისიო პოჩეტინოს პირველი კომენტარი “პსჟ”-ში დანიშვნის შემდეგ
“პარი სენ-ჟერმენის” ოფიციალური გვერდი ადასტურებს ინფორმაციას გუნდის მთავარი მწვრთნელის პოსტზე მაურისიო პოჩეტინოს დანიშვნის შესახებ. როგორც იცით, არგენტინელ სპეციალისტს ტომას ტუჰელის შეცვლა დაევალა.
“ძალიან ბედნიერი და ამაყი ვარ “პარი სენ-ჟერმენის” მწვრთნელის პოზიციაზე დანიშვნით. მადლობას ვუხდი კლუბს ნდობისთის. ამ კლუბს ყოველთვის მნიშვნელოვანი ადგილი ეკავა ჩემს გულში. პარიზთან მშვენიერი მოგონებები მაკავშირებს.
გუნდის თითოეული ფეხბურთელი უნდა იმსახურებდეს “პსჟ”-ს მაისურის ტარებას. ჩვენ დიდ კლუბში ვართ, სადაც მხოლოდ მოგება არ არის საკმარისი – უნდა მოიგო მაღალი ხარისხის ფეხბურთის ჩვენებით.
დისციპლინა ყველაზე მნიშვნელოვანი რამ არის. მნიშვნელოვანია ერთმანეთის პატივისცემა და მეგობრობაც. ეს კლუბში მომუშავე თითოეულ ადამიანს ეხება.
ჩვენ აქ იმიტომ ვართ, რომ კლუბსა და ფეხბურთელებს მიზნების მიღწევაში დავეხმაროთ. გვინდა, რომ გუნდის მენტალიტეტი ავამაღლოთ და გამორჩეული ფილოსოფია შევიმუშავოთ,” – აცხადებს არგენტინელი სპეციალისტი.
