“ბარსელონას” საპრეზიდეტნო არჩევნები: ვინ წარადგინა ყველაზე მეტი ხელმოწერა?

ახლოვდება “ბარსელონას” საპრეზიდენტო არჩევნები. ფინალურ ეტაპზე მონაწილეობისთვის საკმარისი რაოდენობის ხელმოწერები მხოლოდ ოთხმა კანდიდატმა წარმოადგინა.

ამდროინდელი მონაცემებით, “ბარსელონას” პრეზიდენტობისთვის შემდეგი ოთხი პიროვნება იბრძოლებს: ჟოან ლაპორტა ვიქტორ ფონტი, ტონი ფრეიშა და ემილი რუსო. ფინალური ეტაპი 24 იანვარს შედგება.

აღსანიშნავია, რომ ყველაზე მეტი ხელმოწერა ჟოან ლაპორტამ წარმოადგინა (10 272). ეს უკანასკნელი “ბარსელონას” პრეზიდენტის პოსტს 2003-10 წლებში იკავებდა.

რაც შეეხება დარჩენილ კანდიდატებს, ფონტმა 4 713 ხელმოწერა წარმოადგინა, ფრეშიამ – 2 822, ხოლო ემილი რუსომ – 2 510.

ფინალურ ეტაპზე მონაწილეობის მისაღებად 2 257 ხელმოწერის წარდგენა იყო საჭირო. დღეიდან იწყება ხელმოწერების გადამოწმების პროცესი, რომელიც ხუთშაბათს დასრულდება.