მბაპეს რეგრესი? ასეთი მშრალი სერია ბოლოს 2018 წელს ჰქონდა

“პარი სენ-ჟერმენმა” საფრანგეთის ჩემპიონატის მე-20 ტურის მატჩში გასვლაზე “ანჟეს” დამარცხება მინიმალური ანგარიშით შეძლო. შეხვედრის ერთადერთი გოლი კურზავას ანგარიშზე გახლავთ.

აღსანიშნავია, რომ გუნდის სასტარტო შემადგენლობაში იმყოფებოდა კილიან მბაპეც, რომელის მაურისიო პოჩეტინომ მოედნიდან მე-80 წუთზე გაიყვანა.

22 წლის ფეხბურთელს 2021 წელს გოლი ჯერ კიდევ არ გაუტანია. მბაპეს მშრალი სერია უკვე ოთხ მატჩს მოიცავს – “სენტ-ეტიენთან” (1:1), “ბრესტთან” (3:0), “მარსელთან” (2:1) და “ანჟესთან” (0:1).

ბოლოს ფრანგ სუპერვარსკვლავს ასეთი მშრალისერია 2018 წლის აპრილ-მაისში ჰქონდა.

Kylian Mbappé n'a pas marqué lors de ses 4 dernières titularisations avec le @PSG_inside en compétition officielle. Sa plus mauvaise série avec le club parisien depuis avril-mai 2018(4). #SCOPSG

— Stats Foot (@Statsdufoot) January 16, 2021