მატეო: “ალექსანდერ-არნოლდმა დაცვაში თამაში უნდა ისწავლოს”
“ლივერპულის” ყოფილმა მცველმა, დომინიკ მატეომ, პრესასთან ტრენტ ალექსანდერ-არნოლდის შესახებ ისაუბრა და აღნიშნა, რომ ინგლისელმა მცველმა დაცვაში თამაში უნდა გამოასწოროს.
“ძალიან რთულია ისეთი ფეხბურთლების ძირითადს მიღმა დატოვება, როგორებიც ტრენტ ალექსანდერ-არნოლდი და რობერტსონი არიან. ისინი ჩემპიონატის ყველაზე სწრაფი მოთამაშეები არიან.
ეს ორი ძალიან სახიფათო ფეხბურთელებად ჩამოყალიბდნენ. თუმცა პირადად ჩემი აზრია, რომ ორივე მათგანმა უნდა მოუმატოს დაცვაში თამაში, განსაკუთრებით ტრენტმა.
კარაგერმაც აღნიშნა, რომ ზოგჯერ ის ძალიან ადრე მიდის შეტევაში. ზოგჯერ რამდენიმე ნაბიჯი უკან უნდა გადადგა, რათა დაცვაში უკეთეს პოზიციაში იმყოფებოდე.
რამდენიმე შემთხვევაში “ბარნლიმ” ხიფათის შექმნა იმის გამო შეძლო, რომ ალექსანდერ-არნოლდს დატოვებული ჰქონდა პოზიცია. ასეთ შემთხვევაში “ბარნლიც” კი დაგსჯის.
სწორედ ეს არისის ასპექტი, რომელშიც უნდა გაძლიერდეს – მან დაცვაში თამაში უნდა ისწავლოს. დარწმუნებული ვარ, რომ ის ამ ხარვეზებს აღმოფხვრის,” – აცხადებს დომინიკ მატეო.
